[center]•مسؤولية حارس الحيوان :
(( حارس الحيوان ولو لم يكن مالكاً له مسؤول عما يحدثه الحيوان من ضرر ولو ضل الحيوان أو تسرب ما لم يثبت الحارس أن وقوع الحادث كان بسبب اجنبي لا يد له فيه ))
---------------------------------------------------------------
اولا:مين هوة حارس الحيوان؟
حارس الحيوان هو الى لية السيطرة الفعلية على الحيوان حتى ولو مكانش المالك يعنى الى بتكون لية سلطة الرقابة والتوجيه والتصرف وقت وقوع الضرر من الكلب
--ممكن الحراسة تنتقل لغير المالك برضاه أو بدون رضاه
برضاة
(يعنى لو انت اديت الكلب لواحد يرعاة او يحافظ علية او لصاحب المزرعة او صاحب المحل او الدكتور البيبطرى)هنا بيكونو هما المسئولين عن الى يعملة الكلب
الا لو كان الى انت اديتلة الكلب دة تابع ليك (يعنى لو حد بيشتغل عندك مثلا) بتفضل المسئولية عليك انت
بدون رضاة
((كالسارق او تابع المالك بس بيستخدم الكلب لمصلحتة))
[/COLOR]
ثانيا :بالنسبة للضرر بقى
لازم يكون الكلب عمل فعل معين والفعل دة هوة الى سبب الضرر حتى لو مكانش دة بطريقة مباشرة ( فلو انطلق كلب هائج فأصيب شخص بذعر وسقط فجرح دون أن يمسه الحيوان كان الضرر من فعل الحيوان برضو )
وسواء كان الضرر دة وقع على انسان او على حيوان تانى او على حاجة بتاعة حد
----------------------------------------------------------------------
ثالثا – دفع مسؤولية حارس الحيوان :
يعنى ازاى بقى تخلص مالمشكلة دى؟؟؟؟
أن الخطأ المفترض من جانب الحارس لا يقبل إثبات العكس (يعنى مينفعش تقول انا كنت واخد بالى كويس من الكلب وكنت ماسكة كويس انا مأهملتش فى حراسة الكلب الكلام دة مينفيش مسئوليتك)
فى الحالة دى مفيش قدامك غير انك تثبت ان الضرر الى حصل دة ملوش دعوة بحراسة للكلب يعنى تنفى علاقة السببية بين الخطأ والضرر
و تثبت ان فى سبب خارج عن ارادتك هوة الى سبب الضرر وهما 3 طرق مفيش غيرهم
1- القوة القاهرة : (( إذا هاج الكلب بسبب الرعد مثلا فاحدث الضرر )) يعنى سبب مش فايد حد
2-فعل الغير: (( كلب أهاجه احد المارة فأقدم على عض المضرور )) يعنى فى حد هوة الى استفز الكلب بطريقة غير متوقعة ومتقدرش تعمل فيها حاجة
3- خطأ المضرور: (( يعنى حرامى دخل الشقة فالكلب عضة))
__________________________________________________ _