dogsfanclub65

dogsfanclub65

رابطة محبي الحيوانات
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 الحشرات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mohamed essam200



المساهمات : 9
تاريخ التسجيل : 04/09/2010
العمر : 21
الموقع : الجيزة

مُساهمةموضوع: الحشرات   السبت سبتمبر 04, 2010 5:59 pm






انا عملت الموضوع دة عشان حبيت اتكلم عن الطريقة اللى تحمى كلبك طوال فترة حياته بس قبل ما ندخل فى الموضوع احب اتكلم عن الحشرات اللى دائما تصيب الكلب و حنتكلم عن خمس نقاط مهمة :

1- الحشرات و انواعها
2- مسببات الحشرات
3- الاضرار التى تسببها الحشرات
4- فى حالة الاصابة بالحشرات
5- طريقة حماية الكلب من الحشرات طوال فترة حياته

و ان شاء الله الموضوع يكون مفيد و ينال اعجابكم






1- الحشرات و انواعها

فى النقطة دى احب اتكلم عن اهم حشرتان توجدان على جسم الكلب
و هما (القراد و البراغيث)) و حنتكلم عن واحدة واحدة بالتفصيل

القراد :

و دى عبارة عن حشرة بتبقى فى الاول صغيرة و بعدين بتكبر
تدريجيا و السبب انها بتلتصف على جلد الكلب و تمتص دمه






و دى بتعتبر من اخطر الحشرات لاسباب كتير حنشرحها فى
ثالث نقطة و لها ثمانية ارجل يعنى فى البداية بتبقى شبه العنبوت
بس بعدين بتنتفخ و تكبر و لونها بيبقى اصفر













البراغيث :

و دى تعتبر العدو اللدود للحيوانات و البراغيت حشرات صغيرة جدا
لونها اسود و مش بتتشاف بسهولة خصوصا فى الكلاب السوداء
زى البلاك كوت و الرويال بلاك ....الخ و برضه ليها اضرار على
الكلب



و بكدة نكون خلصنا اول نقطة و فى ملاحظة صغيرة
انا متكلمتش غير على حشرتين بس عشان
دول اهم حشرتين و فى حشرات تانية
زى القمل و دى بتشبه البراغيت تماما و
علاجها نفس علاج البراغيت


2- مسببات الحشرات

السبب الرئيسى فى انتشار الحشرات هو الجو الحار و خصوصا
فى الصيف يعنى اكيد طبعا كلنا بنلاحظ انتشار الحشرات مع
بداية كل صيف و فى اسباب اخرى تودى الى انتشار
الحشرات و اولها عدم نظافة الكلب يعنى فى ناس
نادرا لما بتحمى كلابها و دة اكبر غلط عشان بتدى
فرصة للحشرات بالانتشار على جسم الكلب
و دا غير مطلوب و فى سبب تانى هو عدم نظافة المكان
اللى موجود فيه الكلب و بكدة حيكون الكلب عرضة للحشرات
بأنواعها عشان كدة اطلب من كل مربى كلاب ان يهتم بنظافة
كلابه الشخصية و نظافة المكان اللى موجود فيه





ده كل مصاب بالقراد وجهه ممتلئ بالقراد
عشان كدة انصح بالنظافة المستمرة منعا لحدوث اى اصابة للكلب



3- الاضرار التى تسببها الحشرات

فى النقطة دى حنتكلم عن الاضرار التى تسببها الحشرات
فى جسم الكلب و حنتكلم عن حشرة حشرة و اضرارها


القراد :

القراد حشرة تعتبر من اخطر الحشرات و لاسباب كثيرة
منها فقد الشهية فالقراد يعمل على فقد شهية الكلب و
من اضراره ايضا فقد الوزن فالقراد يعمل على فقد وزن الكلب بصورة
واضحة و يجعل الكلب يشعر بالخمول و لو امتلئ جسم الكلب
بالقراد و لم تتم معالجته فسوف يؤدى الى موت الكلب


البراغيث :

البراغيث اضرارها واضحة جدا على جسم الكلب من
الخارج و اول ضرر ليها هو لدغها المستمر للكلب و امتصاص
دمه و بالتالى حتظهر بقع حمراء على جسم الكلب مكان اللدغة
و من اضرارها ان الكلب بيفضل يهرش فى نفسه و يحك
لحد ما يجرح نفسه و دة خطر عليه عشان الجرح
ممكن يتلوث و فى خطر تانى للبراغيث
و هو فضلاتها و بيضها عشان فضلات البراغيث بتنتشر فى
كل مكان على جسم الكلب و بتعمل رائحة غير
مستحبة فى جسم الكلب اما البيض فدة بيفقس
بسرعة و بالتالى البراغيث حتنتشر على جسم الكلب
و دا غير مطلوب





4- فى حالة الاصابة بالحشرات :

لو لاقدر الله اصيب الكلب بحشرة من الحشرات اكيد
طبعا حيكون فى علاج عشان نقضى على الحشرات
اولا ممنوع استعمال مبيد حشرى عشان دة
اخطر شئ ممكن يموت الكلب عشان جسم الكلب
بيمتص المبيد دة و المبيد عبارة عن مركبات كيميائية
سامة اما العلاج الصحيح حيكون بطريقتين كالاتى :
1- حتشترى دواء اسمه الديازنون و حتحط 1 سم
على لتر ماء و تحمى بيها الكلب مع مراعاة ربط فم الكلب جيدا
عشان الديزنون ممكن يسمم الكلب لو الكلب لحسه
و بعد كدة حتسيب الكلب فى الشمس
و فى طريقة تانية و هى
1- حتشترى دواء اسمه ريفليوجين و دة عبارة عن امبولات
بتتحط فى رقبة الكلب من الخلف ((قفا الكلب)) و دى بتقضى
على الحشرات بس فى معلومة صغيرة لو لاقيت قرادة فى جسم
الكلب متحاولش انك تشيلها بأيدك عشان انت لما بتشيلها بتسيب نصفها
داخل جسم الكلب و دا خطر







5- حماية الكلب من الحشرات طوال فترة حياته

فى النقطة دى بقه حتكلم عن شويه تعليمات تقى كلبك من الحشرات
1- فى اول يوم تشترى الكلب سواء صغير او كبير لازم تبص
فى جسم الكلب عشان لو حاجة من الحشرات تتعالج بسرعة عشان فى ناس بتشترى الكلب و بعد شهرين او تلاتة تتفاجئ بوجود كم هائل من القراد و البراغيث
عشان كدة لازم اول يوم تشترى الكلب تفلى الكلب جامد عشان تشوف اذا كان
فى حشرات او لا و فى حاجة تانية و هى النضافة الشخصية لكلبك
و النضافة الشخصية تكون عن طريق الاستحمام اول حاجة و الاستحمام
حيكون مرة كل اسبوعين فى الصيف و مرة كل شهر فى الشتاء
و الاستحمام حيكون بشامبو كلاب عشان تخلى الكلب رائحته حلوة
و اهم حاجة انك تفلى الكلب بين كل فترة و فترة عشان تشوف اذا
كان فى حشرات او لا و نضافة المكان اللى موجود فيه الكلب و نضافة الكلب الشخصية من اهم الاشياء اللى تبعد الحشرات عن كلبك


و بكدة نكون خلصنا موضوعنا و اتمنى انه يكون
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الحشرات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
dogsfanclub65 :: منتدى سوق الكلاب بيع و شراء جميع انواع الكلاب :: رابطة محبي الجيرمن-
انتقل الى: